محترم شیخ الوظائف صاحب السلام علیکم!شب جمعہ کی روحانی محافل میں آپ نے فرمایا کہ زوجین میں محبت‘گھریلو ناچاقیوں ‘طلاق جیسے مسائل کے خاتمے کے لئے اگر کوئی کسی روحانی عمل کا تجربہ ہو تو ضرور لکھیں۔میاں بیوی دونوں کے دلوں کو آپس میں ملانے‘ محبت پیدا کرنے ‘ میاں بیوی میں ناچاکی ہو یا اولاد نافرمان ہو، کوئی عزیز یا رشتہ دار ناراض ہو یا گھر والوں میں آپس میں رنجشیں ہوں یا بھاگے ہوئے کو واپس بُلانا مقصود ہو تو میرے کچھ آزمودہ روحانی اعمال ہیں جنہیں مسئلہ کی نوعیت کے حساب سے مختلف طریقوں سے پڑھا جائے ان تمام تر مقاصد میں یہ عمل تیر کی طرح کام کرتاہے۔مجھے یقین ہے جو شخص بھی بتائی گئی ترتیب سے یہ عمل کرےگا اسےضرور فائدہ ہو گا‘ ان شاءاللہ۔
زوجین میں محبت
زوجین میں محبت پیدا کرنے کیلئے روز وقتِ مقررہ پر سو مرتبہ عمل خاص پڑھیںاور ہر بار پڑھنے کے بعد یوں کہے کہ ’’فلاں بن فلاں الحب فلاں بنت فلاں یعنی فلاں بن فلاں کی جگہ شوہر اور اس کی والدہ کا نام پھر بیوی اور اس کی والدہ کا نام لیں۔ لڑکے کیلئے بن کہیں اور لڑکی کیلئے بنت فلاں کہیں۔اس عمل کو کچھ عرصہ مسلسل کر لیں‘ان شاءاللہ میاں بیوی میں انتہا کی محبت پیدا ہو جائے گی۔
آپس کی نا چاقیاں اورگھریلو جھگڑے ختم
میاں بیوی ‘تمام گھریلو ناچاقیوں کو ختم کرنے‘نافرمان اولاد کو فرمانبردار بنانے کے لئےاور نفرتوںکو محبتوں میں تبدیل کرنے کے لئے عملِ خاص کو تین، تین مرتبہ پڑھ کر شکر یاکسی بھی میٹھی چیز پر دَم کریں اوراسے کھانے پینے والی چیزوں میں مکس کر کے استعمال کریں، ان شاء اللہ اس عمل کی برکت سے نفرتیں محبت میں بدل جائیں گی۔آپس کی ناچاقیاں ختم ہوں‘اولاد فرمانبردار اور مطیع ہو جائے گی‘لڑائی جھگڑوں سے نجات مل جائے گی‘ چند ہی دن میں ان شاءاللہ سارا گھرانہ امن کا گہوارہ بن جائے گا۔